Opinion / Results
Download file here:
Bush v. Gore 531 U.S. 98 (2000) Kreyòl
Sample:
BUSH v. GORE
PER CURIAM
(DESIZYON TRIBINAL LA)
Jou ki te 8 desanm 2000, Lakou Siprèm Florida a te bay lòd ki di Lakou Sikui Leon County a dwe konte alamen 9,000 bilten nan Miami-Dade County. Li te bay lòd tou pou yo ajoute ladan l total vòt ki sètifye yo ki suiv: 215 vòt yo te idantifye nan Palm Beach County, avèk 168 vòt yo te idantifye nan Miami-Dade County ki pou Prezidan Albert Gore Jr. avèk Senatè Joseph Lieberman, ki se kandida demokratik pou Prezidan ak Vis-Prezidan. Lakou Siprèm Deta a te note petisyonè George W. Bush te di Vis-Prezidan Gore te gànye antou 176 vòt, e li te mande Lakou Sikui a rezoud dispit la. Gore v. Harris, 772 So. 2d 1243, 1248, n. 6. Tribinal la te di pou nou rezoud sa a fòk yo ta rekonte bilten yo alamen nan tout zòn Florida yo kote swadizan “sou-vòt” yo pa t konte alamen. Tribinal la te bay lòd pou tout rekontaj alamen sa yo kòmanse tousuit. Gouvènè Bush ak Richard Cheney, kandida Repibliken yo pou Prezidan ak Vis-Prezidan, te soumèt yon demann ijans pou yo rete manda sa a. Jou ki te 9 desanm, nou te aksepte demann nan, nou te trete l kòm yon rekèt pou yon “bref de certiorari”, e nou te akòde “certiorari”. Post, p. 1046.